Тоҷикӣ
Русский
English
ИСТИҚБОЛИ ДАҲАИ МУАРРИФИИ ИЛМИ АКАДЕМИИ ТОҶИК
ДАР ИНСТИТУТИ ИҚТИСОДИЁТ ВА ДЕМОГРАФИЯИ АМИТ
Санаи 4-уми апрели соли 2025 дар ҳошияи Даҳаи муаррифии илми академии тоҷик дар Институти иқтисодиёт ва демографияи Академияи миллии илмҳои Тоҷикистон хониши сиёсӣ баргузор гардид. Чорабинии мазкур бо сухани ифтитоҳии муовини директори Институт оид ба корҳои илм ва таълим, д.и.и., профессор Мирсаидов А.Б. оғоз гардид.
Сипас, ходими пешбари илмии шуъбаи таҳқиқоти демографӣ, н.и.и. Бобозода А. дар мавзуи «Муаммоҳои муҳоҷирати меҳнатии бурунмарзӣ дар замони муосир» баромад намуданд. Ба ҳозирин масъалаҳо марбут ба асосҳои назариявии идоракунии равандҳои муҳоҷирати меҳнатӣ дар давраи муосир, вазъи бозори меҳнат ва муҳоҷират ҳамчун категорияҳои пайваста дар татбиқи сиёсати шуғли аҳолӣ, қонунгузории миллӣ дар самти муҳоҷират ва тадбирҳои Ҳукумати Ҷумҳурии Тоҷикистон ҷиҳати танзими равандҳои муҳоҷират ва таъмин намудани ҳифзи ҳуқуқу манфиатҳои муҳоҷирон, ҷаҳонишавии ҷараёни муҳоҷирати байналхалқӣ ва муаммоҳои муҳоҷирати меҳнатӣ, диверсификатсияи муҳоҷирати меҳнатии берунаи шаҳрвандони Тоҷикистон, инчунин дигар масъалаҳои таҳқиқшуда бо назардошти ҷамъбасти хулосаҳо, пешниҳод карда шуд.
Ходимони илмии Институт доктори илмҳои иқтисодӣ Хоналиев Н.Х., н.и.и., дотсент Абдуалимов Б.А., н.и.и. Обидов К.Р., н.и.и. Раҷабов Қ., н.и.и. Алимов А.Л. ва дигарон дар қисмати муҳокимаи маъруза хеле фаъолона иштирок карданд ва доир ба афзалиятнокии масъалаи муҳоҷирати меҳнатӣ дар шароити муосир, ҳалли мушкилоти он барои беҳтар гардидани сатҳи зиндагии аҳолӣ ва равона кардани самти муҳоҷират ба раванди рушди кишвар фикру ақидаи худро пешниҳод карданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
