Тоҷикӣ
Русский
English
Санаи 27 майи соли 2022 дар Институти иқтисодиёт ва демографияи Академияи миллии илмҳои Тоҷикистон дар доираи татбиқи Стратегияи миллии рушди Ҷумҳурии Тоҷикистон барои давраи то соли 2030 ва дар асоси қарори Раёсати Академияи миллии илмҳои Тоҷикистон аз 25 майи соли 2022 №74 «Дар бораи Нақшаи баргузории чорабиниҳои илмӣ ва илмию техникӣ дар АМИТ барои соли 2022» конференсияи илмӣ-амалии ҷумҳуриявӣ дар мавзӯи «Трансформатсияи индустриалии минтақаҳои деҳоти Ҷумҳурии Тоҷикистон» баргузор гардид.
Дар оғози кори конференсия муовини директори Институти иқтисодиёт ва демографияи АМИТ, доктори илмҳои иқтисодӣ, профессор Мирсаидов А.Б. бо сухани ифтитоҳӣ баромад намуданд.
Дар кори конференсияи мазкур намояндагони масъули вазоратҳои меҳнат, муҳоҷират ва шуғли аҳолӣ, кишоварзӣ, Кумитаи рушди маҳали назди Президенти Ҷумҳурии Тоҷикистон, Донишгоҳи славянии Тоҷикистону Россия ва дигар мақомотҳои дахлдори Ҷумҳурии Тоҷикистон иштирок ва баромад намуданд.
Тибқи рӯзнома иштирокчиёни конференсия масъалаҳои зеринро мавриди баррасӣ ва арзёбӣ қарор доданд:
- ҷанбаҳои методологиву методии таҳқиқу арзёбии трансформатсия ва фазои (пространства) индустриалии минтақаҳои деҳоти мамлакат;
- хусусият ва самтҳои асосии трансформатсияи индустриалии минтақаҳои деҳоти мамлакат;
- ҳолати коркарди саноатии маҳсулоти кишоварзӣ ва захираҳои табии минтақаҳои деҳоти кишвар;
- ҳолати рушди заминаҳои техникиву-технологии истеҳсолоти аграрӣ ва таҷдиди он;
- тамоюли рушди сармоягузорӣ ба корҳои селексиониву зотпарварӣ ва механизмҳои иқтисодиву ташкилии рушди онҳо;
- тамоюли рушди инфрасохторҳои истеҳсоливу иҷтимоӣ ва бозории минтақаҳои деҳоти мамлакат;
- иқтидори индустриаливу инноватсионии рушди минтақаҳо;
- шаклгирии низоми индустриаливу инноватсионии минтақаҳои мамлакат;
- таъминоти институтсионалии трансформатсияи индустриалии минтақаҳои деҳоти мамлакат;
- густариши робитаҳои иқтисодии берунаи минтақаҳо, нақши интиқоли маблағҳои муҳоҷирони меҳнатӣ ва диаспораҳо дар таъмини трансформатсияи индустриалии минтақаҳои деҳот;
- омилҳо ва механизмҳои демографии баланд бардоштани тафаккури саноатӣ ва фарҳанги инноватсионии минтақаҳои деҳоти ҷумҳурӣ ва ғайра.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
