Тоҷикӣ
Русский
English
Дар Институти иқтисодиёт ва демографияи Академияи миллии илмҳои Тоҷикистон ҳамасола бахшида ба Рӯзи илм семинарҳои илмӣ-назариявӣ ва мизҳои мудаввар гузаронида мешаванд. Дар доираи ҳафтаи илм эълон шудан аз ҷониби Академияи миллии илмҳои Тоҷикистон тибқи Нақшаи чорабиниҳои илмии Институти иқтисодиёт ва демографияи Академияи миллии илмҳои Тоҷикистон бахшида ба Рӯзи илм санаи 08-уми апрели соли 2024 дар Институт семинарҳои илмӣ-назариявӣ дар мавзӯъҳои «Муайян намудани омилҳои таъсиррасон ба афзоиши содироти молу хизматрасонии Ҷумҳурии Тоҷикистон» ва «Вопросы развития демографической науки в годы независимости Таджикистана» гузаронида шуданд.
Дар оғози кори семинар ходими пешбари илмии шуъбаи моделсозӣ ва равандҳои иҷтимоӣ-иқтисодӣ, номзади илмҳои иқтисодӣ Юнусзода Холмуроди Қурбоналӣ таваҷҷӯҳи ҳозиронро ба натиҷаҳои таҳлили содирот ва воридоти молу хизматрасониҳои Ҷумҳурии Тоҷикистон ҷалб намуда, асосноксозии раванди интихоби омилҳои мувофиқ барои пешгӯии содироти софи кишварро тавсиф намуд. Инчунин, натиҷаҳои таҳлили кори олимони ватанӣ ва хориҷӣ дар самти таъсири содироти соф ба ММД-и кишвар нишон дода шуд, ки ба ташаккули диди маҷмӯӣ нисбати рушди иқтисоди ҷумҳурӣ мусоидат намуд.
Ҳамзамон, дар семинари мазкур мудири шуъбаи таҳқиқоти демографӣ, номзади илмҳои иқтисодӣ Субҳонов Акбарҷон Идрисович оид ба масъалаҳои рушди илми демографӣ дар даврони соҳибистиқлолии ҷумҳурӣ баромад намуданд. Қайд гардид, ки равандҳои демографӣ бевосита ба рушди кишвар таъсир мерасонанд. Аз ҷумла, ба масъалаҳои демографӣ, аз ҷумла дар раванди таҳлили суръати таваллуд ва фавт, муҳоҷирати аҳолӣ, доим таваҷҷӯҳ дода мешавад. Дар ин раванд, ташаккули сиёсати демографӣ, бо таваҷҷӯҳ ба ҳамбастагии фаъолият дар самти таҳсилот, шуғл ва тандурустӣ хеле муҳим арзёбӣ гардид.
Тибқи Нақшаи чорабиниҳои илмии Институти иқтисодиёт ва демографияи Академияи миллии илмҳои Тоҷикистон бахшида ба Рӯзи илм баргузории чунин семинарҳо то санаи 15-уми апрел ба нақша гирифта шудааст.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
