Тоҷикӣ
Русский
English
13-уми феврали соли 2025 дар остонаи солгарди таъсиси Артиши миллии Ҷумҳурии Тоҷикистон бо мақсади ошноии мероси таърихӣ-фарҳангии халқи тоҷик ходимони илмии Институти иқтисодиёт ва демографияи Академияи миллии илмҳои Тоҷикистон аз Осорхонаи миллии Тоҷикистон боздид ба амал оварданд.
Дар рафти боздид ҳайати кормандон толорҳои «Асри санг», «Саразм», «Империяи Ҳахоманишиён», «Хазинаи Амударё», «Давлатҳои Юнону Бохтар», «Империяи Кушониён», «Сосониён ва Ҳайтолиён», «Панҷакенти бостон», «Мероси хаттӣ», «Аҷинатеппа», «Давлати Сомониён», «Илму фарҳанг дар замони Сомониён», «Хаттотӣ», «Тангаҳо», Тоҷикистон дар солҳои 1917-1940», «Ҷанги Бузурги Ватанӣ», «Тоҷикистон дар солҳои 1950–1990», «Истиқлол», «Дастовардҳои замони Истиқлол» ва толори туҳфахазинаҳои давлатӣ, ки дар он ҳадяҳои ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз дигар мамолики олам тақдимшуда ба тамошо гузошта шударо тамошо карданд.
Кормандони Институти иқтисодиёт ва демографияи Академияи миллии илмҳои Тоҷикистон дар бораи таърихи ҳазорсолаи халқи тоҷик аз асри санг то даврони Истиқлолият маълумоти ҳамаҷониба гирифтанд.
Воқеан, боздид аз чунин ёдгориҳои таърихӣ ба кас ғизои маънавӣ дода, барои баланд бардоштани ҳисси ватандӯстию меҳанпарастӣ замина мегузорад.
Бояд зикр намуд, ки чорабинии мазкур дар доираи ҳамкориҳои мутақобилан судманди Институти иқтисодиёт ва демографияи Академияи миллии илмҳои Тоҷикистон ва Осорхонаи миллии Тоҷикистон ташкил гардида, ҷиҳати баланд бардоштани ҳисси ватандустиву меҳанпарастӣ, ошноӣ аз осори пурғановати миллати хеш, арҷ гузоштан ба дастовардҳои беназири даврони соҳибистиқлолӣ ва ба ин васила муттаҳиду сарҷамъ будан дар радифи сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон роҳандозӣ карда шудааст.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
