Тоҷикӣ
Русский
English
Санаи 05-уми июни соли 2025 дар Институти иқтисодиёт ва демографияи Академияи миллии илмҳои Тоҷикистон ҳисобот оид ба фаъолияти илмӣ ва илмию ташкилии Институти иқтисодиёт ва демографияи АМИТ дар нимсолаи аввали соли 2025 баргузор гардид.
Дар кори ҷаласа ноиби президенти Академияи миллии илмҳои Тоҷикистон, раиси Шуъбаи илмҳои ҷамъиятшиносии Академияи миллии илмҳои Тоҷикистон – д.и.ф., профессор Саломиён Муҳаммаддовуд иштирок доштанд.
Сараввал ҷаласаро директори Институти иқтисодиёт ва демографияи Академияи миллии илмҳои Тоҷикистон, д.и.и. Бобозода К.О. оғоз намуда, президенти Академияи миллии илмҳои Тоҷикистон, академик Хушвахтзода Қобилҷон Хушвахтро ба муносибати интихоб гардиданашон ба унвони баланди сатҳи илмӣ, узви пайваста (академик)-и Академияи миллии илмҳои Тоҷикистон табрику таҳният намуданд.
Сипас, директори Институти иқтисодиёт ва демографияи Академияи миллии илмҳои Тоҷикистон, д.и.и. Бобозода К.О. оид ба фаъолияти илмӣ ва илмию ташкилии Институти иқтисодиёт ва демографияи АМИТ дар нимсолаи аввали аввали соли 2025 баромад намуданд.
Дар рафти ҷаласа инчунин, аз тарафи мудирони шуъбаҳои илмии муассиса: шуъбаи таҳқиқоти назариявӣ ва робитаҳои иқтисоди хориҷӣ, сарходими илмии шуъба, д.и.и., дотсент Шарифзода Б.М., шуъбаи таҳқиқоти рушд ва ҷойгиркунии қувваҳои истеҳсолкунанда, мудири шуъба, н.и.и Махкамов Б.Б., шуъбаи таҳқиқоти муқоисавии иқтисодӣ, мудири шуъба, узви вобастаи АМИТ, д.и.и., профессор Саидмуродзода Л.Ҳ., шуъбаи моделсозӣ ва дурнамогирии равандҳои иҷтимоӣ-иқтисодӣ, мудири шуъба, н.и.и. Муминова Ф.М., шуъбаи таҳқиқоти институтсионалӣ, мудири шуъба, н.и.и. Алимов А.Л., шуъбаи таҳқиқоти инфрасохторӣ, мудири шуъба, д.и.и., профессор Рауфӣ А. ва шуъбаи таҳқиқоти демографӣ, мудири шуъба, н.и.и. Субҳонов А.И. оид ба фаъолияти илмӣ ва илмию ташкилии шуъбаҳои мазкур дар нимсолаи аввали соли 2025 ахборот доданд.
Ҳисобот оид ба фаъолияти илмӣ ва илмию ташкилии Институти иқтисодиёт ва демографияи Академияи миллии илмҳои Тоҷикистон дар нимсолаи аввали соли 2025 аз тарафи ноиби президенти Академияи миллии илмҳои Тоҷикистон, раиси Шуъбаи илмҳои ҷамъиятшиносии Академияи миллии илмҳои Тоҷикистон – д.и.ф., профессор Саломиён Муҳаммаддовуд хуб пазируфта шуд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
