ИИД АМИТ — Институти иқтисодиёт ва демография

ДАҲСОЛАИ БАЙНАЛМИЛАЛИИ ТАҲКИМИ СУЛҲ – ТАҶАССУМИ СИЁСАТИ СУЛҲОФАРИИ ТОҶИКИСТОН ДАР АРСАИ БАЙНАЛМИЛАЛӢ

Қабул гардидани Қатъномаи Маҷмаи умумии Созмони Милали Муттаҳид оид ба эълони Даҳсолаи таҳкими сулҳ ва бунёди эътимод барои наслҳои оянда дастоварди муҳими дипломатияи муосири Ҷумҳурии Тоҷикистон ба ҳисоб меравад. Ин ташаббус, ки бо пешниҳоди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон амалӣ гардид, бори дигар мавқеи Тоҷикистонро ҳамчун кишвари ташаббускор дар ҳалли масъалаҳои глобалӣ тақвият бахшид. Дар ҷаҳони имрӯза, ки бо низоъҳои мусаллаҳона, таҳдидҳои терроризм, ифротгароӣ, тағйирёбии иқлим ва буҳронҳои иқтисодӣ рӯ ба рӯ аст, таҳкими сулҳ ва эътимоди байни давлатҳо аҳамияти бештар касб кардааст. Қабули Даҳсолаи таҳкими сулҳ аз ҷониби СММ ҷомеаи ҷаҳониро ба ҳамкории созанда, муколама ва пешгирии низоъҳо ҳидоят менамояд. Тоҷикистон, ки худ таҷрибаи талхи ҷанги шаҳрвандиро паси сар намуда, бо роҳи сулҳу ваҳдати миллӣ ба рушди устувор расид, имрӯз таҷрибаи худро барои таҳкими сулҳ дар сатҳи байналмилалӣ пешниҳод мекунад. Ин иқдом нишон медиҳад, ки сулҳ танҳо набудани ҷанг нест, балки заминаи асосии рушд, субот ва зиндагии шоистаи мардум мебошад. Даҳсолаи таҳкими сулҳ барои густариши фарҳанги сулҳпарварӣ, эҳтироми ҳуқуқи инсон, рушди ҳамкории байналмилалӣ ва тарбияи насли ҷавон дар рӯҳияи таҳаммулгароӣ имкониятҳои нав фароҳам меорад. Дар татбиқи ҳадафҳои он саҳми ҳар як давлат, созмон ва шаҳрванд муҳим мебошад. Қатънома ба ҳадафҳо ва принсипҳои Оинномаи Созмони Милали Муттаҳид такя намуда, пеш аз ҳама иродаи «Наҷоти наслҳои оянда аз офати ҷанг»-ро дар меҳвари худ қарор медиҳад. Ҳамзамон, аҳамияти Эъломия ва Барномаи амал оид ба фарҳанги сулҳ ҳамчун санади муҳими байналмилалӣ барои тарғиби сулҳ, таҳаммулпазирӣ ва пешгирии хушунат таъкид шудааст. Ҳадафҳои «Даҳсолаи байналмилалии таҳкими сулҳ ба хотири наслҳои оянда» фарогири самтҳои муҳими рушди ҷомеаи ҷаҳонӣ мебошанд. Аз ҷумла:  таҳкими сулҳу амнияти байналмилалӣ;  пешгирии низоъҳо тавассути муколама, дипломатия ва мусолиҳа;  рушди фарҳанги сулҳ, таҳаммулпазирӣ ва эҳтироми гуногунандешӣ;  густариши ҳамкории байналмилалӣ барои ҳалли мушкилоти глобалӣ;  ҷалби ҷавонон, занон ва ҷомеаи шаҳрвандӣ ба равандҳои сулҳофаринӣ;  таҳкими ҳамбастагии байни наслҳо;  ҳифзи манфиатҳои наслҳои оянда ҳангоми таҳияи сиёсати давлатӣ ва қабули қарорҳои байналмилалӣ;  мусоидат ба рушди устувор ва таъмини зиндагии осоишта барои ҳамаи мардум. Боиси ифтихор аст, ки Тоҷикистон имрӯз дар баробари ташаббусҳои байналмилалӣ оид ба масъалаҳои обу иқлим, инчунин, ҳамчун пешбарандаи рӯзномаи ҷаҳонии сулҳ низ эътироф гардидааст. Ин дастовард масъулияти моро барои ҳифзи сулҳу субот, ваҳдати миллӣ ва рушди устувори кишвар боз ҳам бештар менамояд. Сулҳ неъмати бебаҳост ва ҳифзи он вазифаи муқаддаси ҳар як фарди ҷомеа мебошад. Танҳо дар фазои сулҳу ҳамдигарфаҳмӣ метавон ояндаи дурахшон ва зиндагии шоистаро барои наслҳои имрӯзу фардо таъмин кард. Муовини директор оид ба корҳои илм ва таълим, н.и.и. Ҷалилзода Д.Р.

Муфассалтар

ТАШАББУСИ САРНАВИШТСОЗ ДАР РОҲИ ТАЪМИНИ СУЛҲИ ПОЙДОР ВА ҲАМБАСТАГИИ ҶАҲОНӢ

(Дар ҳошияи қабули қатъномаи Маҷмаи Умумии Созмони Милали Муттаҳид «Даҳсолаи байналмилалии таҳкими сулҳ ба хотири наслҳои оянда») Қабули қатъномаи Маҷмаи Умумии Созмони Милали Муттаҳид таҳти унвони «Даҳсолаи байналмилалии таҳкими сулҳ ба хотири наслҳои оянда» (2027–2036), ки бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон пешниҳод гардид, аз муҳимтарин рӯйдодҳои сиёсиву дипломатии соли 2026 ба ҳисоб меравад. Ин санади муҳими байналмилалӣ на танҳо идомаи мантиқии сиёсати сулҳҷӯёнаи Тоҷикистон аст, балки бори дигар нишон медиҳад, ки кишвари мо дар ҳалли масъалаҳои глобалӣ, бахусус таҳкими сулҳ ва амнияти байналмилалӣ, нақши фаъол ва созанда дорад. Имрӯз миллионҳо нафар дар минтақаҳои гуногуни ҷаҳон аз оқибатҳои ҷанг, муҳоҷирати иҷборӣ, фақр ва ноамнӣ ранҷ мебаранд. Дар чунин вазъият ҷомеаи ҷаҳонӣ бештар аз ҳар вақти дигар ба ташаббусҳое ниёз дорад, ки арзишҳои сулҳ, ҳамдигарфаҳмӣ ва ҳамбастагии инсониро тақвият бахшанд. Тоҷикистон яке аз давлатҳоест, ки арзиши сулҳро на аз китобҳо, балки аз таҷрибаи талхи таърих омӯхтааст. Ҷанги шаҳрвандии солҳои навадум ба давлат ва миллат талафоти бузурги ҷонӣ ва иқтисодӣ расонид. Маҳз ҳамин таҷрибаи талх боис гардид, ки баъди барқарор шудани сулҳу ваҳдати миллӣ, Тоҷикистон сиёсати хориҷии худро бар пояи сулҳ, ҳамкорӣ, муколама ва эҳтироми ҳуқуқи байналмилалӣ роҳандозӣ намояд. Аз ҳамин лиҳоз, ташаббуси навбатии Тоҷикистон дар Созмони Милали Муттаҳид идомаи мантиқии ҳамин сиёсати сулҳофар мебошад. Қатъномаи қабулшуда солҳои 2027–2036-ро ҳамчун Даҳсолаи байналмилалии таҳкими сулҳ ба хотири наслҳои оянда эълон намуда, ҷомеаи ҷаҳониро ба ҳамкории васеъ барои таҳкими сулҳ, рушди фарҳанги муколама, пешгирии низоъҳо ва тарбияи насли сулҳпарвар даъват мекунад. Дар маркази ин ташаббус инсон, бахусус кӯдакон ва ҷавонон қарор доранд, зеро маҳз онҳо ояндаи ҷомеа ва ҷаҳонро месозанд. Тарбияи онҳо дар рӯҳияи сулҳдӯстӣ, таҳаммулпазирӣ ва эҳтироми арзишҳои инсонӣ метавонад барои пешгирии низоъҳои оянда заминаи устувор фароҳам оварад. Яке аз ҷанбаҳои муҳими ин қатънома он аст, ки сулҳ танҳо ҳамчун набудани ҷанг арзёбӣ намешавад. Сулҳи воқеӣ танҳо дар сурате пойдор мемонад, ки дар ҷомеа адолат, баробарӣ, муколама, эътимоди байни мардум ва имкониятҳои баробар барои рушди инсон таъмин бошанд. Аз ин рӯ, санади мазкур давлатҳоро ба таҳкими ҳамдигарфаҳмӣ, мусолиҳа, ҳамбастагии байни наслҳо ва эҳтироми ҳуқуқу манфиатҳои ҳамаи қишрҳои ҷомеа даъват менамояд. Боиси ифтихори ҳар як шаҳрванди Тоҷикистон аст, ки имрӯз кишвари мо ба яке аз пешоҳангони дипломатияи созанда дар арсаи байналмилалӣ табдил ёфтааст. Дар ду даҳсолаи охир Тоҷикистон як қатор ташаббусҳои ҷаҳонӣ, аз ҷумла дар самти масъалаҳои об, ҳифзи пиряхҳо, рушди устувор ва ҳоло таҳкими сулҳро пешниҳод намуда, тавонист дастгирии ҷомеаи байналмилалиро ба даст орад. Ин ҳама аз болоравии обрӯву нуфузи байналмилалии Тоҷикистон ва эътимоди давлатҳои ҷаҳон ба сиёсати хориҷии он шаҳодат медиҳад. Қобили таваҷҷуҳ аст, ки қатъномаи мазкур инчунин таҷрибаи мусбати кишварҳои Осиёи Марказӣ, бахусус талошҳои Тоҷикистон, Қирғизистон ва Ӯзбекистонро дар роҳи ҳалли мусолиматомези масъалаҳои сарҳадӣ ва таҳкими ҳамкории минтақавӣ истиқбол намудааст. Ин далел нишон медиҳад, ки сулҳ ва ҳамдигарфаҳмӣ метавонанд ҳатто масъалаҳои бисёрсолаи мураккабро тавассути гуфтушунид ва иродаи сиёсӣ ҳал намоянд. Аҳамияти дигари ин санад дар он ифода меёбад, ки он тамоми сохторҳои Созмони Милали Муттаҳид, ҳукуматҳо, созмонҳои ҷомеаи шаҳрвандӣ ва дигар шарикони рушдро барои татбиқи ҳадафҳои Даҳсола муттаҳид месозад. Ин маънои онро дорад, ки таҳкими сулҳ танҳо вазифаи давлатҳо нест, балки рисолати муштараки тамоми инсоният мебошад. Ҳар як омӯзгор, олим, рӯзноманигор, зиёӣ, ҷавон ва фаъоли ҷомеа метавонад дар тарғиби фарҳанги сулҳ саҳми арзандаи худро гузорад. [02.07.2026 16:13] In God We Trust☝️: Барои Тоҷикистон ин қатънома танҳо як муваффақияти дипломатӣ нест, балки масъулияти нав низ мебошад. Татбиқи амалии ғояҳои сулҳ, таҳкими ваҳдати миллӣ, тарбияи насли ватандӯст, рушди маърифати сиёсӣ ва таҳкими ҳамдигарфаҳмӣ бояд ҳамеша дар меҳвари сиёсати давлатӣ ва фаъолияти ҷомеа қарор дошта бошад. Зеро сулҳ неъмати бебаҳост ва ҳифзи он аз ҳар як шаҳрванди кишвар масъулияти баланд талаб мекунад. Дар маҷмӯъ, қабули қатъномаи «Даҳсолаи байналмилалии таҳкими сулҳ ба хотири наслҳои оянда» боз як саҳифаи дурахшони фаъолияти байналмилалии Тоҷикистон мебошад. Ин иқдоми таърихӣ бори дигар собит сохт, ки сиёсати сулҳҷӯёна ва ваҳдатофари Тоҷикистон аз ҷониби ҷомеаи ҷаҳонӣ эътироф ва пуштибонӣ мешавад. Дар ҷаҳоне, ки ҳар рӯз ба сулҳу субот бештар эҳтиёҷ дорад, чунин ташаббусҳо метавонанд ба таҳкими ҳамбастагии инсоният, пешгирии низоъҳо ва таъмини зиндагии шоиста барои наслҳои имрӯзу фардо мусоидат намоянд. Сулҳ арзишест, ки бе он ҳеҷ пешрафт, ҳеҷ рушд ва ҳеҷ ояндаи устувор вуҷуд дошта наметавонад. Аз ин рӯ, ташаббуси Тоҷикистон на танҳо дастоварди як давлат, балки саҳми арзишманд дар роҳи бунёди ҷаҳони осоишта, амн ва инсонмеҳвар барои тамоми башарият мебошад. Юсуфзода Шодоб Хӯҷамқул ходими илмии шуъбаи таҳқиқоти демографӣ ва рушди нерӯи инсонии Институти иқтисодиёт ва демографияи АМИТ

Муфассалтар

ХУШХАБАР! ТАСДИҚИ УНВОНИ ИЛМИИ ПРОФЕССОРӢ

Санаи 30.06.2026 бо Фармоиши раиси Комиссияи олии аттестатсионии назди Президенти Ҷумҳурии Тоҷикистон таҳти рақами 206/уи унвони илмии профессори мудири Шуъбаи иқтисодиёти ҷаҳон ва муносибатҳои иқтисоди байналхалқӣ Каримова Мавзуна Тимуровна тасдиқ гардида, ба гирифтани унвони илмии профессор аз рӯйи самти илмҳои «Иқтисодиёт» мушарраф шуд. Ин дастоварди арзанда самараи фаъолияти пурсамари илмӣ-педагогӣ, заҳмати пайваста ва саҳми назарраси ӯ дар рушди раванди таълиму тарбия мебошад. Раёсати Институти иқтисодиёт ва демографияи АМИТ итминон дорад, ки Каримова М.Т. минбаъд низ бо масъулияти баланд ва дониши амиқ дар омода намудани мутахассисони соҳибихтисос ва пешбурди илми ватанӣ хизмат хоҳад кард. Раёсати Институти иқтисодиёт ва демографияи Академияи миллии илмҳои Тоҷикистон муаллимаи азиз Каримова Мавзуна Тимуровнаро самимона табрик гуфта, барояшон саломатии бардавом, комёбиҳои нави илмӣ ва муваффақиятҳои бештар дар фаъолияти илмӣ- таҳқиқотӣ орзу менамоянд.

Муфассалтар

ХУШХАБАР! ТАСДИҚИ ДАРАҶАИ ИЛМИИ ДОКТОРӢ

Санаи 30.06.2026 бо Фармоиши раиси Комиссияи олии аттестатсионии назди Президенти Ҷумҳурии Тоҷикистон таҳти рақами 207/ди дараҷаи илмии доктори илмҳои иқтисодӣ аз рӯйи ихтисоси 5.2.1-Назарияи иқтисодӣ ходими пешбари илмии Шуъбаи иқтисодиёти ҷаҳон ва муносибатҳои иқтисоди байналхалқӣ Довгялло Яна Павловна тасдиқ гардида, ба гирифтани дараҷаи илмии доктори илмҳои иқтисодӣ мушарраф шуд. Раёсати Институти иқтисодиёт ва демографияи Академияи миллии илмҳои Тоҷикистон муаллимаи азиз Довгялло Яна Павловнаро самимона табрик гуфта, барояшон саломатии бардавом, комёбиҳои нави илмӣ ва муваффақиятҳои бештар дар фаъолияти илмӣ- таҳқиқотӣ орзу менамоянд.

Муфассалтар

ҶАЛАСАИ ШУРОИ ОЛИМОН

Санаи 30-юми июни соли 2026 дар Институти иқтисодиёт ва демографияи АМИТ ҷаласаи Шурои олимон баргузор гардид. Рӯзномаи ҷаласаи Шурои олимон аз масъалаҳои зерин иборат буд: 1. Ҳисобот дар бораи натиҷаҳои фаъолияти илмӣ-таҳқиқотӣ ва илмӣ-ташкилии ИИваД дар нимсолаи якуми соли 2026 2. Вазъи интишори монографияҳои илмии шуъбаҳо ва кормандони Институт дар панҷ соли охир 3. Оид ба натиҷаҳои конференсияи ҷумҳуриявии илмӣ-амалӣ дар мавзӯи «Дастоварду самтгирии стратегии рушди Ҷумҳурии Тоҷикистон: иқтисод ва ҷараёнҳои иҷтимоӣ» (бахшида ба 35 солагии Истиқлоли давлатии Ҷумҳурии Тоҷикистон) 4. Дар бораи тасдиқ намудани Нақшаи чорабиниҳои ИИваД ҷиҳати омодагӣ ба ҷашнгирии Рӯзи Истиқлолияти давлатии Ҷумҳурии Тоҷикистон 5. Дар бораи ба нашр тавсия намудани монографияи илмии академик Хушвахтзода К.Х., д.и.и. Малов В.Ю., д.и.и. Садриддинзода М.И., д.и.и. Бобозода К.О., д.и.и. Усмонова Т.Ҷ. «Реновация прерванного: пространственное моделирование, исторический опыт и стратегические контуры экономической интеграции Таджикистана и России» 6. Дар бораи ба нашр тавсия намудани монографияи илмии д.и.и.,профессор, с.и. шуъбаи иқтисоди рақамӣ ва инноватсия Саидмуродзода Л.Х. дар мавзуи «Таърихи афкори иқтисодии халқи тоҷик» 7. Дар бораи ба нашр тавсия намудани монографияи илмии д.и.и. Бобозода К.О. дар мавзуи «Районирование автодорожной инфраструктуры и организация товародвижения в Республике Таджикистан» 8. Дар бораи ба нашр тавсия намудани монографияи илмии д.и.и., х.п.и. шуъбаи таҳқиқоти демографӣ ва рушди нерӯи инсонӣ Бобозода А. дар мавзуи «Совершенствование механизма управления миграционными процессами и потенциал миграции в социально-экономическом развитии Таджикистана» 9. Дар бораи ба нашр тавсия намудани монографияи илмии н.и.и., х.п.и. шуъбаи таҳқиқоти иқтисодиёти бахши воқеӣ Саидализода П.А. дар мавзуи «Управление инновационым развитием предприятий винодельческой промышленности Таджикистана» 9. Масъалаҳои ҷорӣ

Муфассалтар

НАҚШИ ПЕШВОИ МУАЗЗАМИ МИЛЛАТ ДАР ТАҲКИМИ СУЛҲИ ҶАҲОНӢ: ТАШАББУСИ НАВБАТӢ ВА АҲАМИЯТИ ОН

Дар замоне, ки низоъҳои мусаллаҳона, мухолифатҳои сиёсӣ ва буҳронҳои амниятӣ қисматҳои зиёди ҷаҳонро фаро гирифтааст, ҷомеаи ҷаҳонӣ беш аз ҳар вақти дигар ба ташаббусҳои сулҳофаринӣ ниёз дорад. Дар чунин шароит, қабули қатъномаи Маҷмааи Умумии Созмони Милали Муттаҳид (СММ) таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036», ки бо ташаббуси Асосгузори сулҳу ваҳдати миллӣ – Пешвои муаззами миллат, Президенти муҳтарамамон Эмомалӣ Раҳмон қабул гардид, далели равшани эътирофи байналмилалии сиёсати сулҳпарваронаи Ҷумҳурии Тоҷикистон ва Сарвари он дар ҳалли масъалаҳои глобалӣ мебошад. Моҳияти ин ташаббус аз он иборат аст, ки дар даҳсолаи пешоянд тақвияти заминаҳои боэътимоди ҳамкориҳои байналмилалӣ бо мақсади таҳкими сулҳи пойдор, ташаккулу нигоҳдории фарҳанги сулҳдорӣ, густариши муколама байни мамлакатҳои ҷаҳон оид ба пешгирии низоъҳо, тарбияи насли наврас дар рӯҳияи ҳамдигарфаҳмию таҳаммулпазирӣ ва мусоидат ба рушди устувор ҳамчун асоси бунёдӣ барои таҳкими сулҳ омили калидии рушди иқтисодиёти ҷаҳонӣ мебошанд. Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон дар такя ба таҳдидҳои замони муосир иборат аз ҷангу низоъҳои мусаллаҳона, терроризму ифротгароӣ, густариши рақобатҳои шаддиди геополитикӣ, тағйирёбии иқлим, коҳиши захираҳои табиӣ, муҳоҷирати маҷбурӣ ва афзоиши мушкилиҳои иҷтимоӣ ҳангоми суханронии худ дар СММ таъкид намуданд, ки ҳоло ҷаҳон ба таҳдидҳои зиёде рӯбарӯст. Дар чунин шароит роҳи ягонаи бартараф кардани ин таҳдидҳо таъмини сулҳи пойдор тавассути ҳамкорӣ, дипломатия ва муколама мебошад. Дар ин раванд зарур аст, ки кишварҳои ҷаҳон ва созмонҳои байналмилалӣ ба ҳамкориҳо, ки ба густариши дипломатияи пешгирикунанда, ташаккулу нигоҳдории фарҳанги сулҳдорӣ, пешгирии низою муноқишаҳо, ҷалби ҷавонон ба ин равандҳо ва боло бурдани нақши онҳо дар сулҳофарӣ, густариши омӯзиши масъалаҳои сулҳу сулҳофаринӣ дар мактабу донишгоҳҳо, тақвияти ҳамкориҳои минтақавӣ дар ин самт, асосноккунии робитаи сулҳ ба рушди иқтисодиёт, некӯаҳволии мардум ва ҳифзи муҳити зист равона шудаанд, таваҷҷуҳи бештар кунанд. Барои кишвари мо – Ҷумҳурии Тоҷикистон ташаббуси навбатии Пешвои муаззами миллат аҳамияти хоса дорад. Сараввал, он боиси боз ҳам боло рафтани обрӯю эътибори кишварамон дар арсаи байналмилалӣ мегардад. Ин амал нишон медиҳад, ки Тоҷикистон бо ташаббусҳои пайвастаи худ аъзои фаъоли СММ буда, на танҳо ба масъалаҳои обу ҳифзи табиат, балки ба масъалаҳои дигари рӯзмарра диққат дода, ҳамеша дар ҳалли мушкилиҳои сатҳи ҷаҳонӣ пешсаф мебошад. Дуюм, бо ин роҳ Тоҷикистон таҷрибаи барқарорсозии сулҳу ризоияти миллӣ дар кишварамонро ҳамчун намуна барои мамлакатҳои дигар муаррифӣ намуда, омодагии худро ҳангоми зарурати расонидани кӯмаки дипломатӣ ба онҳо изҳор менамояд. Сеюм, ин ташаббус мавқеи Ҷумҳурии Тоҷикистонро ҳамчун кишвари ҷонибдори сулҳ ва ҳамкориҳои судманд бо ҳама кишварҳои ҷаҳон боз ҳам таҳким мебахшад. Чорум, баргузории конфронсҳо, форумҳо, ба роҳ мондани барномаҳои таълимию таҳқиқотӣ дар солҳои 2027-2036 ба рушди ҳамкориҳои байналмилалӣ мусоидат намуда, таваҷҷуҳи кишварҳои олам ва созмонҳои байналмилалӣ ба Тоҷикистонро бештар менамояд. Дар умум, ин ташаббус аҳамияти умумиҷаҳонӣ дошта кишварҳои аъзои Созмони милали муттаҳидро ба коҳиши низоъҳо, таҳкими эътимод ба якдигар, муколамаи пайваста ва ҳалли мушкилиҳо бо роҳҳои сиёсию дипломатӣ даъват мекунад. Қайд намудан зарур аст, ки ташаббуси навбатии Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» идомаи мантиқии сиёсати байналмилалии Ҷумҳурии Тоҷикистон мебошад. Агар ташаббусҳои пешин ба масъалаҳои об, тағйирёбии иқлиму рушди устувор бахшида шуда буданд, ин навбат ташаббуси Пешвои муаззами мо таваҷҷуҳи ҷаҳониёнро ба масъалаи фарогири сулҳи пойдор дар олам равона месозад. Дар давраи татбиқи ин ташаббус (солҳои 2027-2036) сулҳ ҳамчун шарти асосии таъмини рушди устувор, амният ва некӯаҳволии наслҳои оянда баррасӣ хоҳад шуд. Шариф Раҳимзода - сарходими илмии шуъбаи бозори молиявӣ ва идоракунии лоиҳаҳои сармоягузорӣ, доктори илмҳои иқтисодӣ, профессор Ҷалилзода Дилшод Раҷабмурод - муовини директори Институти иқтисодиёт ва демографияи АМИТ, номзади илмҳои иқтисодӣ.

Муфассалтар

Институти иқтисодиёт ва демография

ПРЕЗИДЕНТИ ҶУМҲУРИИ ТОҶИКИСТОН

Бинои нави Институти иктисодиёт ва демографияи Академияи миллии илмҳои Тоҷикистон

Хабарҳо

ДАҲСОЛАИ БАЙНАЛМИЛАЛИИ ТАҲКИМИ СУЛҲ – ТАҶАССУМИ СИЁСАТИ СУЛҲОФАРИИ ТОҶИКИСТОН ДАР АРСАИ БАЙНАЛМИЛАЛӢ

ТАШАББУСИ САРНАВИШТСОЗ ДАР РОҲИ ТАЪМИНИ СУЛҲИ ПОЙДОР ВА ҲАМБАСТАГИИ ҶАҲОНӢ

ХУШХАБАР! ТАСДИҚИ УНВОНИ ИЛМИИ ПРОФЕССОРӢ

ХУШХАБАР! ТАСДИҚИ ДАРАҶАИ ИЛМИИ ДОКТОРӢ

ҶАЛАСАИ ШУРОИ ОЛИМОН

НАҚШИ ПЕШВОИ МУАЗЗАМИ МИЛЛАТ ДАР ТАҲКИМИ СУЛҲИ ҶАҲОНӢ: ТАШАББУСИ НАВБАТӢ ВА АҲАМИЯТИ ОН

Таълим

Магистратура

Аспирантура / PhD

Шӯрои диссертационӣ

Фаълияти илмӣ

Монографияҳо ва китобҳо

Маҷаллаи илмӣ

Конференсия

Аснод ва маҳзани маълумот

Барои тамос

Суроға

Телефон

Email