Тоҷикӣ
Русский
English
12 феврали соли 2026 таҳти раёсати намояндагони Институти иқтисодиёт ва демографияи АМИТ машварати коршиносони Консорсиуми марказҳои таҳлилии иқтисодии СҲШ дар шакли видеоконференсия баргузор гардид.
Дар машварат намояндагони Ҷумҳурии Беларус (Институти таҳқиқоти стратегии Беларус), Ҷумҳурии Ҳиндустон (Маркази омӯзиши СУС Институти савдори хориҷии Ҳиндустон), Ҷумҳурии Исломии Эрон (Вазорати фаъолияти иқтисодӣ ва молия), Ҷумҳурии Қазоқистон (ҶС «Институти таҳқиқоти иқтисодӣ»-и назди Вазорати иқтисоди миллӣ), Ҷумҳурии Халқии Хитой (Академияи тиҷорати байналхалқӣ ва ҳамкориҳои иқтисодии назди Вазорати тиҷорат), Ҷумҳурии Қирғизистон (Институти миллии ташаббусҳои стратегии назди Президенти Қирғизистон), Ҷумҳурии Исломии Покистон (Институти рушди иқтисодии Покистон), Федератсияи Россия (Академияи умумироссиягии савдои хориҷии Вазорати рушди иқтисоди Федератсияи Россия), Ҷумҳурии Тоҷикистон (Институти иқтисодиёт ва демографияи Академияи миллии илмҳои Тоҷикистон), Ҷумҳурии Узбекистон (Маркази тадқиқотҳои иқтисодӣ ва ислоҳоти назди Дастгоҳи иҷроияи Президенти Ҷумҳурии Узбекистон).
Ҳамоиши мазкур бо сухани ифтитоҳии директори Институти иқтисодиёт ва демографияи Академияи миллии илмҳои Тоҷикистон, д.и.и. Бобозода Комил Олимҷон оғоз гардид. Қайд гардид, ки Институти иқтисодиёт ва демографияи АМИТ соли ҷорӣ роҳбарии Консорсиумро ба уҳда дорад. Дар суханронӣ оид ба дастовардҳо ва натиҷаҳои фаъолияти муштарак қайд карда шуда, ҳамчунин дурнамои ҳамкориҳои минбаъда ва тавсеаи иртиботи созанда ҷиҳати амалисозии вазифаҳои илмию таҳлилии муштарак муайян гардиданд. Дар ҷаласа ҳамчунин мавзуӣ таҳқиқоти Консорсиум ва нақшаи фаъолияти он дар соли 2026 баррасӣ карда шуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
