ПРЕЗИДЕНТИ ҶУМҲУРИИ ТОҶИКИСТОН
ҚОНУНГУЗОРИИ
ҶУМҲУРИИ ТОҶИКИСТОН
22 апрели соли 2022 дар толори Шурои олимони Институти иқтисодиёт ва демографияи АМИТ семинари илмӣ-назариявӣ баргузор гардид, ки дар он мудири шуъбаи таҳқиқоти муқоисавии иқтисодӣ, узви вобастаи АМИТ, д.и.и., профессор Саидмуродзода Лутфулло Ҳабибулло дар мавзӯи: «Марҳилаҳои асосии ташаккул ва рушди афкори иқтисодии халқи тоҷик» баромад намуданд.
Санаи 19-уми апрели соли 2022 дар толори Раёсати Академияи миллии илмҳои Тоҷикистон бахшида ба «Рӯзи илми тоҷик» маҷлиси тантанавӣ баргузор гардид, ки дар кори он аъзои пайваста ва вобастаи АМИТ, директорон, ҷонишинон, котибони илмӣ ва дигар ходимони илмии даъватшудаи муассисаҳои илмии зертобеъ аз АМИТ ширкат намуданд. Ҷаласаро президенти АМИТ, академик Фарҳод Раҳимӣ ифтитоҳ намуда, ҳозиринро бо фарорасии «Рӯзи илми тоҷик» табрик намуд ва зимни сухани табрикии хеш нақши Академияи миллии илмҳои Тоҷикистонро дар рушди ҳамаҷонибаи мамлакат таъкид сохт.
Тибқи банди 2-и Нақшаи чорабиниҳои илмии Институти иқтисодиёт ва демографияи АМИТ аз 28 декабри соли 2021 бахшида ба «Рӯзи илми тоҷик» 15 апрели соли 2022 дар толори Шурои олимон конференсияи илмӣ-назариявӣ дар мавзӯи: «Проблемаҳои актуалии рушди илми иқтисодӣ дар Тоҷикистон» (бахшида ба нахустин конференсияи омӯзиши қувваҳои истеҳсолкунандаи Тоҷикистон) баргузор гардид. Дар оғози кори конференсия директори Институти иқтисодиёт ва демографияи АМИТ, доктори илмҳои иқтисодӣ, профессор Шариф Рахимзода бо сухани ифтитоҳӣ баромад намуданд.
Тибқи моддаи 2-и Қонуни Ҷумҳурии Тоҷикистон «Дар бораи рӯзҳои ид» (2 августи соли 2011 №753) ҳар сол дар Тоҷикистон якшанбеи сеюми моҳи апрел - Рӯзи илми тоҷик ҷашн гирифта мешавад. Вобаста ба ин, як гурӯҳ ходимони илмии Институти иқтисодиёт ва демографияи АМИТ аз оромгоҳҳои олимони соҳаи илми иқтисоди ҷумҳурӣ, аз ҷумла, Раҳимов Р.К., Нарзиқулов И.Қ., Саидмуродов Ҳ.М., Мирзоев Р.К., Исломов С.И. ва дигарон зиёрат намуданд.
Таърихан тадқиқотҳои иқтисодии муназзам аз ҷониби олимони ватанӣ дар Тоҷикистони шуравӣ аз соли 1944-уми қарни бистум пайваста бо созмон додани Бахши тадқиқоти иқтисодӣ дар сохтори Филиали тоҷикистонии Академияи илмҳои ИҶШС оғоз ёфта буд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Бо фармони Президенти Ҷумҳурии Тоҷикистон Эмомалӣ Раҳмон аз 08 сентябри соли 1997 ба асосгузори адабиёти муосири тоҷик Садриддин Айнӣ унвони олии «Қаҳрамони Тоҷикистон» дода шуд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Солҳои 1944-1946 котиби дуюм, с.1946-1956 котиби якуми КМ Ҳизби комунистии Тоҷикистон, 1956 – 1977 сарвари Пажуҳишгоҳи шарқшиносии ИҶШС.
Бо фармони Президенти Ҷумҳурии Тоҷикистон Эмомалӣ Раҳмон аз 08 сентябри соли 1997 ба таърихшинос ва шарқшиноси шинохтаи тоҷик, академик, муаллифи китоби «Тоҷикон» Бобоҷон Ғафуров унвони олии «Қаҳрамони Тоҷикистон» дода шуд.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Бо фармони Президенти Ҷумҳурии Тоҷикистон Эмомалӣ Раҳмон аз 07 майи соли 2001 ба шоири халқии Тоҷикистон, ходими намоёни ҷамъиятӣ Мирзо Турсунзода унвони олии «Қаҳрамони Тоҷикистон» дода шуд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Асосгузори сулҳу ваҳдати миллӣ-Пешвои миллат.
Бо қарори Маҷлиси Олии Ҷумҳурии Тоҷикистон 11 декабри соли 1999 барои мустаҳкам намудани давлатдории соҳибистиқлол ва пойдории сулҳ дар Ҷумҳурии Тоҷикистон бо унвони олии “Қаҳрамони Тоҷикистон” мукофотонида шудааст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Бо фармони Президенти Ҷумҳурии Тоҷикистон аз 27 июни соли 2006 ба фарзанди барӯманди халқи тоҷик Нусратулло Махсум унвони олии “Қаҳрамони Тоҷикистон” дода шудааст.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
Бо фармони Президенти Ҷумҳурии Тоҷикистон аз 27 июни соли 2006 ба фарзанди барӯманди халқи тоҷик Шириншоҳ Шоҳтемур, унвони олии «Қаҳрамони Тоҷикистон» дода шудааст.
Бо браузери чандзабона ва маҳаллишуда ба забони тоҷикӣ ҳар гуна кор дар Интернет самараноктар ва осонтар аст, зеро ки корбарон метавонанд аз забони модарии худ истифода баранд, вазифаҳои барномаро бо забони тоҷикӣ хонанд ва кори худро ҳангоми кор бо браузер айнан иҷро намоянд.
Тоҷикӣ
Русский
English
