Тоҷикӣ
Русский
English
Санаи 09 октябри соли 2023 дар доираи қарори Раёсати Академияи миллии илмҳои Тоҷикистон аз 18 сентябри соли 2023 №132 дар бораи Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон, ки дар ҷараёни сафари корӣ ба Нерӯгоҳи барқи обии «Роғун» 9-10 августи соли 2023 баён доштанд, гурӯҳи калони ходимони илмии Институти иқтисодиёт ва демографияи АМИТ ба шаҳри Роғун сафар намуда, бо ҷараёни корҳои сохтмонӣ дар Нерӯгоҳи барқи обии «Роғун» шинос шуданд.
Қобили зикр аст, ки сараввал дар маҷлисгоҳи неругоҳ вохӯрии роҳбарияти Институти иқтисодиёт ва демографияи АМИТ, ҳамзамон ходимони илмӣ бо Директори генералии ҶСК НБО-и «Роғун» Хайрулло Сафарзода баргузор шуд. Дар рафти вохӯрӣ иброз гардид, ки «Роғун» манбаи нури ҳар хонадон, гармии қалби ҳар фарди Ватан, сарчашмаи иқболу сарбаландии мардуми тоҷик, кафолати рушди босуботи Тоҷикистон ва нуфузу обрӯи давлати соҳибихтиёри тоҷикон ба ҳисоб меравад.
Сипас, Давронов Қурбонназар – муовини директори истеҳсолӣ, роҳбари гурӯҳи сафарбаркардашудаи намояндаи фармоишгар ходимони илмии Институти иқтисодиёт ва демографияи АМИТ-ро бо ҷараёни корҳои сохтмонии иншооти бузурги аср, толори агрегатҳои нерӯгоҳ ва корҳои васлу насби он, сарбанд ва ядрои сарбанди асосӣ, қисматҳои баромадгоҳи нақбҳо, толори мошинҳо ва дигар мавзеъҳои НБО-и «Роғун» шинос намуданд.
Дар охири сафари корӣ аз ҷониби Институти иқтисодиёт ва демографияи АМИТ ба як гурӯҳи кормандони ҶСК НБО-и «Роғун» дастархон ороста шуда, барои фаъолияти назаррас ва саҳми муносиб дар сохтмони иншооти азими аср як зумра кормандону сохтмончиёни нерӯгоҳ бо «Ифтихорномаи фахрӣ»-и Институти иқтисодиёт ва демографияи АМИТ қадршиносӣ шуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
