Тоҷикӣ
Русский
English
Дар доираи эълон шудани ҳафтаи илм аз ҷониби Академияи миллии илмҳои Тоҷикистон тибқи Нақшаи чорабиниҳои илмии Институти иқтисодиёт ва демографияи Академияи миллии илмҳои Тоҷикистон бахшида ба Рӯзи илм санаи 09-уми апрели соли 2024 дар Институт семинарҳои илмӣ-назариявӣ дар мавзӯъҳои «Даромади аҳолӣ ва таъсири он ба сатҳ ва сифати зиндагии аҳолӣ» ва «Рушди сайёҳӣ ва иқтисоди миллӣ» гузаронида шуданд.
Дар оғози кори семинар ходими пешбари илмии шуъбаи таҳқиқоти институтсионалӣ, номзади илмҳои иқтисодӣ Ҷонакова Гулҷаҳон Абдулманоновна таваҷҷӯҳи ҳозиронро ба азёбии сатҳ ва сифати зиндагии аҳолӣ ҷалб намуд. Зикр гардид, ки истеҳсолоти ҷамъиятӣ ва сатҳи зиндагии аҳолӣ тавъаманд, яъне миёни онҳо алоқаи тарафайн мавҷуд аст. Ин пеш аз ҳама, вобастагиии тавсифи босифати захираҳои меҳнатӣ ва шуғли пурмаҳсули аҳолӣ аз ҳавасмандгардонии молиявии корманд дар меҳнати баландистеҳсолӣ вобастагӣ дорад. Проблемаҳои баланд бардоштани сатҳ ва сифати зиндагии аҳолӣ тавассути созмон додани сарчашмаҳои шуғли алтернативӣ, механизми дастгирии фаъолияти иқтисодии аҳолӣ ва нигоҳ доштани тарзи ҳаёти мардуми деҳот дар кишвар муҳим боқӣ мемонад. Дар натиҷаи таҳқиқотҳои гузаронидашуда самтҳои баланд бардоштани сифат ва сатҳи зиндагии аҳолии Тоҷикистон дар заминаи хусусиятҳои ташаккул ва истифодаи буҷети оила дар шароити муосир, хусусиятҳои ташаккули даромади оила, сарчашмаҳои нав ва нишондиҳандаҳои ташаккули даромадҳо ва хароҷотҳои оила, нақши буҷети оила ба қишрҳои гуногуни аҳолӣ дар асоси коэффитсиентҳои детсилинӣ муайян карда шудаанд.
Ҳамзамон, дар семинари мазкур ходими пешбари илмии шуъбаи таҳқиқоти инфрасохторӣ, номзади илмҳои иқтисодӣ Шодиев Ҷаъфар Рузибекович оид ба масъалаҳои рушди сайёҳӣ ҳамчун як бахши ояндадори иқтисоди миллӣ баромад намуданд. Қайд гардид, ки саҳми ин бахш дар ММД сол то сол меафзояд. Истифодаи оқилонаи захираҳои рекреатсионӣ дар як вакт вазифа мегузорад, ки дар ВМКБ «Боғи пиряхҳо» таъсис дода шавад, ҳамзамон рушди «сайёҳии сабз» метавонад як самти афзалиятнок ва хеле фаъоли сайёҳӣ дар Тоҷикистон гардад
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
