Тоҷикӣ
Русский
English
Санаи 28.01.2026, соати 11:00 дар толори Институти иқтисодиёт ва демографияи Академияи миллии илмҳои Тоҷикистон бо мақсади ҷалби ҷавонон ба корҳои илмию таҳқиқотии бунёдӣ, анҷом додани таҳқиқоти арзишманди илмӣ ва бартараф кардани омилҳои хусусияти коррупсионӣ дошта семинари омӯзишии ҷавонон баргузор гардид.
Чорабинӣ бо ташаббуси Раиси Шурои олимони ҷавони Институт н.и.и. Сафаров А.М. ташкил гардида, дар кори он мудирони шуъбаҳо ва олимону муҳаққиқони соҳа мусоидат намуданд.
Раиси Шурои олимони ҷавони Институт н.и.и. Сафаров А.М. роҷеъ ба масъалаи муқовимат бо коррупсия дар Ҷумҳурии Тоҷикистон такя карда, иброз намуд, ки бо мақсади иҷрои фармони Президенти Ҷумҳурии Тоҷикистон аз 3-юми августи соли 2021, №222 “Дар бораи Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030” корҳои фаҳмондадиҳӣ мунтазам амалӣ мегардад. Дар ин замина, аз ҷониби раёсати Академияи миллии илмҳои Тоҷикистон зимни баргузории силсилавохӯриву чорабиниҳои фаҳмондадиҳӣ доир ба ин масъала ҷаласаву семинарҳо, вохӯриҳо баргузор мегардад. Таъкид намуд, ки ҷавонон имрӯз муваззаф ҳастанд, ки дар ҷодаи илм ва рушди он баҳри кам кардани чунин омилҳо тамоми чораҳоро андешанд.
Баъдан, маърӯзаи ходими илмии шуъбаи таҳқиқоти иқтисодиёти бахши воқеӣ Мадаминзода Асрор дар мавзӯи “Механизмы повышения экономической устойчивости предприятий молочного подкомплекса АПК Таджикистана” шунида шуд. Иброз гардид, ки дар шароити муосир мавқеи муҳимро муаммоҳои баланд бардоштани устувории комплекси агросаноатӣ, бахусус корхонаҳои истеҳсоли маҳсулоти ширӣ мебозанд.
Сипас, дар рафти чорабинии ҷавонон, мудири шуъбаи назарияи иқтисод ва таҳқиқоти институтсионалӣ, д.и.и., профессор Мирсаидов Аврор Бобоевич фикру андешаҳои худро иброз намуда, зикр намуданд, ки пешбурди корҳои таҳқиқотӣ чун заминаи рушди илм баромад мекунад.
Дар охир, семинари илмӣ-назариявии олимони ҷавон бо музокироти илмӣ ва баҳсу тавзеҳот хотима бахшид.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
