Тоҷикӣ
Русский
English
Дар асоси фармоиши Вазири маориф ва илми Ҷумҳурии Тоҷикистон аз 28 марти соли 2024, №328 ва фармоиши директори Институт аз 22 апрели соли 2024, №21 «Дар бораи санаи гузаронидани имтиҳони маҷмӯии хатми докторантони PhD» санаи 01 майи соли 2024 дар толори Шурои олимони Институти иқтисодиёт ва демографияи АМИТ имтиҳони маҷмӯии хатми зинаи докторантура PhD-и курси сеюм баргузор гардид.
Директори Институти иқтисодиёт ва демографияи АМИТ, доктори илмҳои иқтисодӣ, профессор Ш.Раҳимзода ба имтиҳон ҳусни оғоз бахшида, шогирдонро ба шурӯи имтиҳон ва бомуваффақ супоридан раҳнамоӣ намуданд.
Дар оғози имтиҳон раиси комиссия, номзади илмҳои иқтисодӣ, дотсент Аҳмадов Раҳимҷон Раҷабович таъкид бар он доштанд, ки талаботи Низомнома оид ба докторантураи PhD ҳатман риоя карда шавад.
Дар имтиҳони давлатӣ аз рӯи ихтисоси 6D051000 – Идоракунии давлатӣ ва маҳаллӣ 6 нафар ва ихтисоси 6D051800 – Идоракунии лоиҳаҳо 1 нафар иштирок намуда, имтиҳонро бо баҳои мусбат супориданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
